Mainistir Sheireapúin

Bunaíodh Mainistir Sheireapúin sa dara haois déag agus tá sí ar cheann de na samplaí is fearr de Mhainistir Chistéirseach de chuid na meánaoiseanna in Éirinn. Léiríonn na stíleanna ailtireachta taobh istigh den séipéal, a tógadh go déanach sa dara haois déag, an t-aistriú ón ailtireacht Rómhánach go dtí an ailtireacht Ghotach. Tá an túr agus an clabhstra ann ón gcúigiú haois déag.

Tá cáil ar Mhainistir Sheireapúin as a cuid dealbha cloiche mionsonraithe atá le feiceáil ar fud na mainistreach. Baineann siad leis an tréimhse ón tríú haois déag go dtí an séú haois déag agus ina measc tá tuamaí mensa de chuid scoil Uí Thonnaigh, léiriú fíorálainn greanta ar bheirt ridirí ón tríú haois déag, na stuaraí clabhstair maisithe chomh maith le samhlacha agus cuimhneacháin eile.

Féadfaidh páistí féachaint thart ar an mainistir agus tá tóraíocht taisce ar fáil san ionad cuairteoirí in aice láimhe. Cuardaigh an mainistir chun naoimh, pátrúin, ridirí, ainmhithe neamhghnácha agus neacha miotaseolaíocha a aimsiú.

Tá ionad cuairteoirí beag deas ann ina bhfuil taispeántas den scoth.