Mainistir Tintern

Bhunaigh William, Iarla Marshal, an mhainistir Chistéirseach seo thart ar an mbliain 1200. Bunaíodh í ar thailte a bhí ina sheilbh as ucht gur phós sé an banoidhre Éireannach, Isabella de Clare. Bunaíodh an mhainistir seo mar chraobhtheach de chuid Tintern Major sa Bhreatain Bheag agus is minic a thugtar Tintern de Voto uirthi.

Tá corp na heaglaise, an túr, an séipéal agus an clabhstra ina seasamh go fóill. Tugadh an mhainistir do theaghlach Mhic Caochlaoich sa séú haois déag agus go gairid ina dhiaidh sin rinneadh áit chónaithe de chuid den eaglais agus rinneadh tuilleadh athruithe uirthi sna haoiseanna ina dhiaidh sin. Bhí muintir Mhic Caochlaoich i seilbh na mainistreach ón séú haois déag go dtí lár an fichiú haois.

Déanadh socraithe speisialta chun na coilíneachtaí ialtóg a chosaint mar chuid den obair athchóirithe. Tá an mhainistir suite i limistéar faoi chaomhnú speisialta agus coillearnach timpeall uirthi a bhfuil conairí siúil taobh istigh di. Is fiú go mór cuairt a thabhairt ar Gharraí Daingean Mhic Caochlaoich taobh istigh den seaneastát.