Reilig Chnoc an Arbhair

Is í an reilig mhíleata ag Cnoc an Arbhair an áit ar adhlacadh 14 de cheannairí Éirí Amach 1916 a cuireadh chun báis. Dá bharr sin, is áit oilithreachta í do mhic léinn agus dóibh siúd a bhfuil suim ar leith acu sa tréimhse chorrach sin i stair na hÉireann.

Tá séipéal taobh leis, an séipéal do Phríosún Chnoc an Arbhair. Ar chúl an tséipéil tá an tseanreilig, áit a bhfuil cuimhneacháin shuimiúla do phearsanra arm na Breataine.

Dírítear go sonrach i gCnoc an Arbhair, áfach, ar scéal mór an éirí amach. I measc na ndaoine atá adhlactha anseo tá Pádraig Mac Piarais, Séamus Ó Conghaile agus Maor Seán Mac Giolla Bhríde. Cuireadh a gcoirp in uaigh gan leacht agus clúdaíodh le haol beo iad, ach tarrtháladh a n-uaigh ón anaithne agus anois tá leacht cuimhneacháin iontach ann a bhfuil inscríbhinn i mBéarla agus i nGaeilge air.

Tá Reilig Chnoc an Arbhair ar chúl Ard-Mhúsaem na hÉireann, Dún Uí Choileáin, áit a bhfuil taispeántas mór faoi láthair d’ábhair a bhaineann le 1916.