Teach agus Gailearaí Gléibe

Tá an talamh maorga seo i stíl na Leasríochta, ó 1828, suite i ngairdíní coillearnaí gar do bhaile Leitir Ceanainn i gContae Dhún na nGall. Bhí cónaí ar an bpéintéir aitheanta Derek Hill anseo agus ba ann a d’oibrigh sé ó na 1950idí go dtí na 1980idí, nuair a bhronn sé an teach ar stát na hÉireann – mar aon le bailiúchán iontach ealáine.

Fear ba ea Hill a raibh breithiúnas den scoth aige. Tá an teach mar a d’fhág sé é – maisithe go hálainn le teicstílí William Morris agus troscán de dhearadh an oirthir. Tá na céadta saothar mar chuid den bhailiúchán le cuid de na ceannródaithe i ndomhan na healaíne, leithéidí Pablo Picasso, Georges Braque, Louisle Brocquy agus Auguste Renoir. Tá píosaí eile den chéad scoth ann freisin ó áiteanna níos faide i gcéin, an tSeapáin agus an domhan Ioslamach ina measc.

Rinneadh gailearaí comhaimseartha agus galánta de stiúideo Hill, atá taobh leis an teach, agus bíonn taispeántais éagsúla ann anois.